Dear, situation is really critical and iss situation ke liye kahin na kahin tum hi jimmedar ho. Hum log aksar emotional moments mein apni limits bhool jaate hai.
Ab jo hua so hua. Yeh toh bilkul sure hai ki tum dono ka relation na kewal kuchh zindagiyan kharab karega balki puri ki puri families barbaad hongi. Isko yahin rok do.
Tum yeh mat samjho ki tumara relationship yu hi sabki nazaro se bachkar chalta rahega. Ek din sab ko pata chal jayega aur tab tum sab ko jaise face karoge. Uska beta, uske parents, uska husband sab tumko dislike karege.
Aur fir uske husband ne usse cheat kiya toh usne bhi toh apne husband ko cheat kar liya. Samajhdari se kaam lo. Usse bhi samjhao ki yeh rishta kisi ke liye bhi achcha nahi. SABSE IMPORTANT BAAT KI YEH PYAR NAHI HAI. BILKUL BHI NAHI. TUMARI TARAF SE EK DUKHI AURAT KE LIYE HAMDARDI HAI AUR USKI TARAF SE TUM USKE DUKH KI MALHAM…..BAS. So yeh sochna chhodo ki tum dono ek dusre se pyar karte ho. Jis din jiwan ki haqiqat samne aayegi…..matlab ki agar apne se 12 yrs badi lady n uske 10 yr ke bete ke saath pura jiwan jina padega tab dhire dhire yeh pyar hawa ho jayega. Abhi pyar dikh raha hai kyunki koi jimmedari nahi hai.
Samajhdari issi mein hai ki usko samjhao ki yeh relation life long nahi chal sakta. Let bygones be bygones.
Pehle achhe se usse samjhao. Thodi duri banai uss se fir kuchh time baad apni shaadi ki sochna. Shadi ke baad agar tum yun uske paas samjhane ke liye jaate rahe toh tumari wife yeh kabhi bhi tolerate nahi karegi. Kisi aur ki biwi ko sambhalne ke chakkar mein khud apni biwi ke saath woh karoge jo uske husband ne kiya hai.
For God sake shaadi kar ke kisi ladki ka jiwan kharab mat karna agar tum dono apna relation khatam nahi kar sakte toh.